Qishloq xo‘jaligini rivojlantirish: yangi nazariya, uslub va yo‘nalish

9-11-iyul kunlari bo‘lib o‘tishi rejalashtirilgan mazkur anjumanda 13 ta xorijiy davlatlarning 51 ta oliy ta’lim muassasalarining 120 dan ortiq xorijiy vakillari hamda 80 dan ortiq mahalliy vakillar ishtirok etmoqda.

Bugun International Tashkent mehmonxonasida Ipak yo‘li qishloq xo‘jaligi ta’limi va tadqiqot hamkorlik forumi va “Ipak yo‘li qishloq xo‘jaligi ta’limi va tadqiqot innovatsiyalari alyansi” 9-yillik konferensiyasi bo‘lib o‘tdi.

Qishloq xo‘jaligi ta’limi va fani sohasidagi hamkorlikni amalga oshirishga qaratilgan mazkur forum "Bir kamar, bir yo‘l" tashabbusiga javoblarni yanada kuchaytirish, Ipak yo‘li bo‘ylab joylashgan mamlakatlarning hamkorlikda rivojlanishiga ko‘maklashish uchun asosiy e’tibor "Ipak yo‘lida qishloq xo‘jaligini yuqori sifatli rivojlantirish uchun texnologik ta’minot" mavzusiga qaratildi.

Tadbirni Qishloq xo‘jaligi vaziri Ibrohim Abdurahmonov kirish so‘zi bilan ochib berar ekan, aynan bu yilgi forum mamlakatimizda tashkil etilishi qishloq xo‘jaligini yuksak darajada rivojlantirish uchun yangi nazariyalar, yangi uslublar va yangi yo‘llarni muhokama qilishga qaratilgan va ishtirokchilar uchun tajriba almashish va hamkorlik qilish uchun yuqori darajali platforma bo‘lib xizmat qilishini qayd etdi.

Konfrensiya doirasida, O‘zbekistonning tegishli ta’lim yo‘nalishlari bo‘yicha Xitoy, Qozog‘izton va  Pokistonning qishloq xo‘jaligi institutlari o‘rtasida 7 ta hamkorlik memorandumlari imzolandi.

Albatta, bu kabi kelishuvlar hamda memorandumning imzolanishi hamkorlarning milliy manfaatlari, ijtimoiy-iqtisodiy taraqqiyoti o‘zaro do‘stlik, mustahkam ishonchga asoslangan hamkorlik negizida taraqqiy etmoqda.

Zero, Ipak yo‘lining qishloq xo‘jaligi ta’limi va fani sohasidagi innovatsion hamkorlik Alyansining navbatdagi "Ipak yo‘li qishloq xo‘jaligi ta’limi va ilmiy texnologiyalar sohasidagi hamkorlik bo‘yicha 9-Forumi va Ipak yo‘li Alyansining yillik yig‘ilishi" yurtimizda tashkil etilgani ham buning ayni dalili.