O‘zbekiston va Chexiya o‘rtasida sanoat investitsiyalari bo‘yicha yangi kelishuvlar

Tashrif doirasida hukumat vakillari va yirik kompaniyalar rahbariyati bilan samarali muzokaralar o‘tkazildi.

Mashinasozlik, geologiya va tog‘-kon sanoati, kimyo va farmatsevtika hamda energetika sohalari hamkorlikning ustuvor yo‘nalishlari etib belgilandi. Bunda asosiy e’tibor ishlab chiqarishni mahalliylashtirish, zamonaviy texnologiyalarni joriy etish, malakali kadrlar tayyorlash va energiya tejamkorligini oshirishga, shuningdek, muhim foydali qazilmalar va yuqori qo‘shilgan qiymatga ega mahsulotlar ishlab chiqish loyihalariga qaratildi.

Loyihalarni amalga oshirishning aniq mexanizmlari, jumladan, uzoq muddatli moliyalashtirishni jalb qilish, qo‘llab-quvvatlash vositalarini kengaytirish, korxonalararo kooperatsiyani rivojlantirish va qo‘shma quvvatlarni ishga tushirish masalalari kelishib olindi.

Bugungi kunda respublikamizda Chexiya sarmoyasi ishtirokida 44 ta korxona muvaffaqiyatli faoliyat yuritmoqda.