Qoraqalpog‘iston Respublikasida xotin-qizlar masalalariga bag‘ishlangan amaliy tadbirlar davom etmoqda

Seminarda Zulayho Maxkamova mavzu yuzasidan atroflicha fikr bildirib, bugun har bir xonadon ostonadagi imkoniyatlarni qadrlashi kerakligi, oila farovonligi ko‘p jihatdan mavjud imkoniyatlardan oqilona va samarali foydalanishga bog‘liq ekanini taʼkidladi. Shuningdek, faol keksalik umrni uzaytiradi, degan hayotiy g‘oyaga alohida urg‘u berib, keksalarning hayotiy tajribasi, duosi va ishtirokidagi tarbiya muhiti oila barqarorligining muhim omili ekanini qayd etdi.

Tadbirda, shuningdek, bugungi dunyoning notinchligi barchamizni ogoh va hushyor bo‘lishga undashi kerakligi, ayniqsa, oila tarbiyasi, maʼnaviy muhit va farzandlar kamoliga daxldor masalalarda masʼuliyatni yana-da oshirish lozimligi, oila degan qo‘rg‘on mustahkam bo‘lsa, har qanday muammo chekinishi kerak. Zero, ilm-maʼrifat, qonun va qadriyatga tayangan oilalarni qurish bugungi kunning eng dolzarb vazifalaridan biri ekani taʼkidlandi.

Shundan so‘ng Taxiatosh tumanida joylashgan “Oila va xotin-qizlar maskani” faoliyati bilan tanishildi. Maskanda xotin-qizlarni ijtimoiy qo‘llab-quvvatlash, bandligini taʼminlash, huquqiy va psixologik yordam ko‘rsatishga qaratilgan ishlar ko‘zdan kechirildi.

Tashrif davomida Bosh vazir o‘rinbosari “Maishiy zo‘ravonliksiz baxtli oilaviy hayot” mavzusiga alohida to‘xtalib, oilada sog‘lom muhitni qaror toptirish, xotin-qizlar huquq va manfaatlarini himoya qilish, oilalar tinch va farovonligi uchun bajariladigan ustuvor vazifalarni belgilab berdi.