O‘zbekiston va AIIB hamkorligi xamda investitsiyalar va istiqbolli loyihalar muhokamasi

Vazir Bank Prezidentini lavozimga tayinlangani bilan tabriklab, Markaziy Osiyoga amalga oshirilgan ilk tashrif ramziy ahamiyatga ega ekanini ta’kidladi.

Qayd etilishicha, O‘zbekiston mintaqada AIIBning eng yirik hamkori bo‘lib qolmoqda - Bankning Markaziy Osiyodagi operatsiyalarining 51 foizi mamlakatimiz hissasiga to‘g‘ri keladi. Global miqyosda esa respublika operatsiyalar hajmi bo‘yicha 6-o‘rinni egallaydi.

Qo‘shma loyihalar portfeli 7 milliard AQSh dollaridan oshdi. 2024-yilda Samarqand shahrida AIIB Boshqaruvchilar kengashining 6-yillik yig‘ilishi bo‘lib o‘tdi.

Tomonlar 2030-yilgacha bo‘lgan hamkorlikning ustuvor yo‘nalishlarini muhokama qildilar. Jumladan, xususiy sektor uchun suveren bo‘lmagan moliyalashtirishni kengaytirish, DXSh loyihalarini qo‘llab-quvvatlash, “yashil” energetikani rivojlantirish hamda “Qambag‘allikdan farovonlik sari” dasturini amalga oshirish masalalari ko‘rib chiqildi.

Uchrashuv yakunida vazir AIIB Prezidentini 2026-yil 16–19-iyun kunlari bo‘lib o‘tadigan Toshkent xalqaro investitsiya forumida ishtirok etishga taklif qildi.