O‘zbekiston Respublikasi Mudofaa vazirligi

O‘zbekiston Yozuvchilar uyushmasi hamda Respublika Ma’naviyat va ma’rifat markazi bilan hamkorlikda tashkil etilgan tadbirda Alisher Navoiy nomidagi Toshkent davlat o‘zbek tili va adabiyoti universiteti professor-o‘qituvchilari, taniqli tilshunos olimlar, ijodkorlar, shuningdek, Mudofaa vazirining ma’naviy-ma’rifiy ishlar samaradorligini oshirish, davlat tili to‘g‘risidagi qonunchilik hujjatlariga rioya etilishini ta’minlash masalalari bo‘yicha maslahatchisi hamda markaziy apparat hodimlari ishtirok etdi.

Tadbir davomida so‘z olgan mutassadilar O‘zbekiston Respublikasining 1989-yil 21-oktabrda qabul qilingan “Davlat tili to‘g‘risida”gi Qonuni tarixiy va huquqiy asoslari, uni amaliyotga tatbiq etishdagi bosqichlar hamda bugungi kunda til siyosati sohasida amalga oshirilayotgan islohotlar tahlil etildi. Ma’ruzachilar o‘zbek tilining ijtimoiy hayotdagi o‘rni, uning xalqaro miqyosda tan olinishi, davlat organlarida hujjat yuritish tizimiga joriy etilishi va bu boradagi mavjud yutuqlar xususida atroflicha fikr bildirdilar.

Shu bilan birga, tilni e’zozlash, uning davlat tili sifatidagi maqomi va jamiyatdagi mavqeini mustahkamlash, yosh avlodni ona tiliga hurmat ruhida tarbiyalash milliy mafkuraning ustuvor yo‘nalishlaridan biri sifatida qayd etildi. Ona tilini qadrlash borasida har bir fuqaroning mas’uliyati va burchi yoritib berildi.

Tadbirning badiiy qismida Qurolli Kuchlar Markaziy ashula va raqs ansambli tomonidan ijro etilgan, Vatanga muhabbat, tinchlik va osoyishtalikni madh etuvchi kuy va qo‘shiqlar yig‘ilganlarga bayramona kayfiyat bag‘ishladi.

Shuningdek, tadbir doirasida tilshunoslik, adabiyotshunoslik va ma’naviyatga oid turli ilmiy-nazariy adabiyotlar ko‘rgazmasi tashkil etildi. “Kitob olami” nashriyot-matbaa uyi bilan hamkorlikda o‘tkazilgan “Kitoblar yarmarkasi” mehmonlar va ishtirokchilarda katta qiziqish uyg‘otdi.

Mudofaa vazirligi Axborot va ommaviy kommunikatsiyalar departamenti