O‘zbekiston Respublikasi Mudofaa vazirligi

Toshkent harbiy okrugi tasarrufidagi Sidaryo garnizonida joylashgan harbiy qismda ham navbatdagi “Jasorat maktabi” yig‘iniga tantanali ravishda start berildi.

Yig‘inda yigitlar har kunni erta tongdan badantarbiya mashg‘ulotlar bilan boshlab, kun davomida jismoniy va saf tayyorgarligi kabi o‘quv mashg‘ulotlarida, shuningdek, harbiy tayyorgarlikga qaratilgan darslarda ishtirok etib, bilim va ko‘nikmalarini oshirib borishmoqda.

Bundan tashqari, yoshlarning bandligini ta’minlashga qaratilgan amaliy mashg‘ulotlar o‘tkazilib, unda yoshlarga malakali mutaxassislar tomonidan turli kasb-hunarlarning sir asrorlari o‘rgatilmoqda.  

Shuningdek, rejaga ko‘ra sportning kurash, futbol, voleybol, tosh ko‘tarish kabi bir nechta turlaridan bellashuvlar o‘tkazilishi belgilangan. Bu esa yoshlar orasida sog‘lom turmush tarzini tadbiq qilish uchun ham ahamiyatli, albatta.

Yig‘in yakunida o‘zining ijobiy xulqi va tirishqoqligini namoyon qilgan ishtirokchilar, shuningdek, o‘tkazilgan turli sport musobaqalarida muvaffaqiyatga erishgan yoshlar diplom, medal hamda qimmatbaho sovg‘alar bilan taqdirlanadilar.

Toshkent harbiy okrugi matbuot xizmati