O‘zbekiston Respublikasi Mudofaa vazirligi

Mazkur tadbirda Toshkent harbiy okrugi qo‘mondonligi, tuman hokimligi, Maktabgacha va maktab ta’limi bo‘limi mas’ul xodimlari, nuroniylar, ota-onalar, o‘quvchilar hamda keng jamoatchilik vakillari ishtirok etdi.

Tadbir davomida harbiy orkestr tomonidan Vatanni madh etuvchi kuy va taronalar ijro etildi. Ramziy bog‘ich kesilishi orqali maktab rasmiy ravishda foydalanishga topshirildi. Mehmonlar “Jasorat maktabi”da yaratilgan sharoitlar, xususan, zamonaviy o‘quv xonalari, chaqiruvga qadar boshlang‘ich tayyorgarlik faniga mo‘ljallangan xonalar hamda “Jasorat burchaklari” bilan yaqindan tanishdi.

Bayramona ruhda o‘tgan tadbir davomida so‘zga chiqqanlar tomonidan ta’kidlanganidek, bugungi kunda mamlakatimizda yoshlarda vatanparvarlik tuyg‘ularini kuchaytirish, ularni intizomli, ma’naviy barkamol va jismonan sog‘lom etib tarbiyalash davlat siyosatining ustuvor yo‘nalishlaridan biri sanaladi. “Jasorat maktabi”ning tashkil etilishi esa bu boradagi ishlarning amaliy ifodasi sifatida muhim ahamiyat kasb etadi.

Albatta, mazkur “Jasorat maktabi” yosh avlodni har tomonlama yetuk va barkamol qilib tarbiyalashda muhim maskan bo‘lib, uzoq yillar davomida kelajak avlodga xizmat qiladi.
Toshkent harbiy okrugi matbuot xizmati