O‘zbekiston Respublikasi Mudofaa vazirligi

Mazkur musobaqada 10 ta davlatdan jami 54 ta merganlar jamoasi qatnashdi.

Ishtirokchi davlatlar:
1. O‘zbekiston - 2 ta jamoa;
2. AQSH - 2 ta jamoa;
3.Germaniya Federativ Respublikasi - 2 ta jamoa;
4. Ruminiya - 1 ta jamoa;
5. Birlashgan Arab Amirligi - 2 ta jamoa;
6. Qatar - 2 ta jamoa;
7. Vyetnam - 2 ta jamoa;
8. Tailand - 2 ta jamoa;
9. Mangoliya -  1 jamoa;
10. Janubiy Koreya Respublikasi - 38 ta jamoa.

Musobaqa shartlari tungi va kunduzi vaqtda bajariladigan maxsus taktik mashqlardan iborat bo‘lib, unda jamoalardan pistolet, avtomat va merganlik qurollaridan moxirona foydalangan holda shahar, tog‘ va o‘rmon sharoitida turli masofadagi nishonlarga aniq o‘q otish talab etildi. 

Jamoalarning mahorati quyidagi shartlar asosida baholab borildi. 

- uzoq masofaga yuqori burchak ostida o‘q otish;
- nostandart vaziyatda noqulay istexkomlardan o‘q otish mahorati;
- notanish hududda magnit azimuti bo‘yicha harakatlanib, dushman ob’yektiga sezdirmay yaqinlashish mahorati;
- kuchli jismoniy va ruhiy bosim ostida yuqori aniqlikda o‘q otish;
- jang maydonidagi taktik tibbiyotni qo‘llash tajribasi;
- yaqin masofalarda pistolet va avtomatdan tezkor o‘q otish qobiliyati;
- tungi va kunduzgi vaqtlarda nishonlarni qidirib topish va masofani aniqlash mahorati;
- notanish bo‘lgan merganlik qurollaridan aniqlikka o‘q otish ko‘nikmalari mavjudligi;
- to‘liq anjom-aslaha bilan tog‘li hududlarda uzoq masofalarni bosib o‘tish qobiliyati;
- harakatdagi uchish apparati va harbiy texnikadan pozitsiyani egallab o‘q otish qobiliyati.

O'zbekiston jamoasi musobaqaning yakuniy natijasiga ko‘ra xorijiy davlatlar ( O‘zbekiston, AQSH, Germaniya, Ruminiya,  BAA, Qatar, Vyetnam, Tailand, Mangoliya) ning  16 ta merganlar jamoasi orasida faxrli birinchi o‘rinni qo‘lga kiritdi.

I-o'rin: O‘zbekiston - 539.5 ball
II-o'rin: Vyetnam - 534.7 ball
III-o'rin: AQSH - 519.0 ball

Eslatib o‘tamiz, Mudofaa vazirligi harbiy xizmatchilaridan iborat jamoa 2024 yilda o‘tkazilgan "I Xalqaro merganlar musobaqasi"da  faxrli ikkinchi o‘rinni qo‘lga kiritgan edi. 

Bugun, 17-sentyabr kuni Islom Karimov nomidagi Toshkent xalqaro aeroportida nufuzli musobaqa g‘oliblari tantanali kutib olindi. Marosimda Mudofaa vazirligi rahbariyati, harbiy xizmatchilarning yaqinlari hamda keng jamoatchilik vakillari ishtirok etdi.

Tantanali marosimda so‘z olganlar harbiylarimizning bu kabi yutuqlari tinimsiz mehnat va puxta ishlab chiqilgan dasturlar samarasi ekanini ta’kidladi. Mudofaa vazirligi g‘oliblarni ushbu g‘alaba bilan tabriklab, kelgusi musobaqalarda ham yorqin g‘alabalar tilaydi.

Mudofaa vazirligi Axborot va ommaviy kommunikatsiyalar departamenti