O‘zbekiston Respublikasi Mudofaa vazirligi

Harbiy orkestr kuy-sadolari ostida kutib olingan ertamiz egalari dastlab akademiya faoliyati, kursantlarning yashashi va bilim olishi uchun yaratib berilgan sharoitlar hamda buyuk ajdodlarimizning hayoti va ijodi, harbiy yurishlari aks ettirilgan tematik sinfxonalari bilan yaqindan tanishdi. Milliy armiyamizning kecha va bugunini oʻzida mujassam etgan akademiya muzeyi esa oʻquvchi yoshlarda katta qiziqish uygʻotdi.
Shunindek, yoshlar jangovar texnikalar hamda oʻqotar qurollar trenajyor komplekslarida boʻlib, amaliy mashgʻulotlarda oʻzlarini sinab koʻrishdi. Jarayonda mutaxassislar ham bevosita ishtirok etib, harbiy texnikalarni boshqarish boʻyicha maktab oʻquvchilariga tegishli maʼlumotlar berishdi.

Kursantlar va yoshlar o‘rtasida o‘tkan suhbat jarayonlarida yoshlarning harbiy xizmat, harbiy ilm-fan hamda institutda o‘qish shart-sharoitlari bilan bog‘liq savollariga atroflicha javob berildi.

Mudofaa vazirligi Axborot va ommaviy kommunikatsiyalar departamenti