Yoshlar uchun jasorat maskani – chaqiruvga qadar boshlang‘ich tayyorgarlik sinfi foydalanishga topshirildi
2025-09-04 10:40:00 / Yangiliklar
Ushbu o‘quv sinfi Mudofaa vazirligiga qarashli qo‘mondonliklarning harbiy xizmatchilari tomonidan barpo etilgan bo‘lib, endilikda o‘quvchilar mamlakat mudofaa va milliy xavfsizligini ta’minlash, fuqaro muhofazasi sohasidagi qonunchilik hujjatlarining asosiy talablari, umumharbiy nizomlar, harbiy xizmat va Vatanga qasamyodning ahamiyatini anglab yetishadi.
Bundan tashqari xonada yaraotilgan sharoitlar keng foydalangan holda favqulodda vaziyatlarda harakat qilish va birinchi tibbiy yordam ko‘rsatish, ommaviy qirg‘in qurolidan himoyalanish, Qurolli Kuchlarida mavjud qurol-aslaha, harbiy texnikaning asosiy taktik-texnik tavsiflari hamda mavjud oliy harbiy ta’lim muassasalari haqida bilimlarni nazariy va amaliy o‘zlashtirib boradi.
Marosimda tuman hokimligi vakillari, Samarqand va Kattaqo‘rg‘on garnizonlaridagi harbiy qism harbiy xizmatchilari, faxriylar, keng jamoatchilik hamda o‘quvchi yoshlar ishtirok etdi.
Mehmonlar yosh avlodni yangi o‘quv yili bilan qutlab, ularning ilm yo‘lidagi intilishlariga muvaffaqiyat tilashdi. Shuningdek, yangi foydalanishga topshirilgan chaqiruvga qadar boshlang‘ich tayyorgarlik sinfi o‘quvchilarning bilim va ko‘nikmalarini yanada mustahkamlash, Vatanga sadoqat ruhida tarbiyalashda muhim qadam bo‘lishi ta’kidlandi.
Harbiy orkestrning kuy-qo‘shiqlari, faxriy qorovulning saf chiqishlari hamda qo‘l jangi ustalarining mahoratli ko‘rgazmalari yoshlarda Vatan himoyachisi bo‘lish kabi istagini yanada mustahkamladi.
Shundan so‘ng tadbir ishtirokchilari yangi sinfxonada yaratilgan shart-sharoitlar bilan yaqindan tanishib, o‘quvchilarning kelgusida turli harbiy sport musobaqalarida faxrlar o‘rinlarni qo‘lga kiritishiga umid bildirishdi.
Mudofaa vazirligi Axborot va ommaviy kommunikatsiyalar departamenti