O‘zbekiston Respublikasi Mudofaa vazirligi

Dastlab delegatsiya vakillari “Yangi O‘zbekiston” bog‘idagi “Mustaqillik” monumenti poyiga gul qo‘ydilar. Shundan so‘ng mehmonlar O‘zbekiston Respublikasi Mudofaa vazirligiga tashrif buyurdi. Faxriy qorovul ishtirokida o‘tkazilgan rasmiy kutib olish marosimida harbiy orkestr tomonidan ikki davlat madhiyasi ijro etildi.

Mudofaa vazirligi markaziy apparatida bo‘lib o‘tgan uchrashuvda mudofaa vaziri general-mayor Shuxrat Xalmuxamedov general Sahir Shamshod Mirzo va delegatsiya vakillarini Pokiston Islom Respublikasi mustaqilligining 78 yilligi bayrami bilan samimiy qutladi.

Uchrashuvda O‘zbekiston va Pokiston armiyalari o‘rtasidagi hamkorlikda erishilayotgan yutuqlarga ham alohida to‘xtalib o‘tildi. Tomonlar ikki mamlakat mudofaa sohasidagi munosabatlar tobora mustahkamlanib, harbiy ta’lim, tajriba almashish va strategik sheriklikni yanada mustahkamlash, harbiy sohadagi hamkorlikni davom ettirishning istiqbolli yo‘nalishlari haqida fikr almashdi.

Shundan so‘ng Pokiston harbiy delegatsiyasi vakillari Oʻzbekiston Respublikasi harbiy xavfsizlik va mudofaa universiteti faoliyati va infratuzilmasi bilan yaqindan tanishdilar.
Mudofaa vazirligi Axborot va ommaviy kommunikatsiyalar departamenti