Chirchiq garnizonidagi harbiy qismda “Ochiq eshiklar kuni” o‘tkazildi
2025-08-18 12:30:00 / Yangiliklar
Tadbir ertamiz egalarini harbiy-vatanparvarlik ruhida tarbiyalash, Vatanga muhabbati va sadoqatini mustahkamlash, millatimiz tarixi, mustaqillik yo‘lida jon fido qilgan hamyurtlarimiz jasoratlarini targ‘ib qilish hamda jinoyatchilikni oldini olish maqsadida tashkil etildi.
Loyiha ishtirokchilari dastlab milliy armiyamiz saflarida xizmat qilayotgan harbiy xizmatchilarga yaratilgan shart-sharoitlar va qo‘lga kiritilayotgan yutuqlari bilan tanishib, harbiy qism haqida ma’lumotlarga ega bo‘lishdi.
Kun davomida tashkil etilgan harbiy texnika va qurol-aslahalar ko‘rgazmasi mehmonlarga chin ma’noda ko‘tarinki kayfiyat ulashish bilan birga, yoshlarning harbiylik kasbiga bo‘lgan qiziqishini yanada oshirgan bo‘lsa ajabmas.
Toshkent harbiy okrugi matbuot xizmati