Vatan himoyachilari salohiyati sinovdan o‘tmoqda
2025-07-19 17:00:00 / Yangiliklar
O‘quv yili rejasiga asosan tashkil etilgan mashg‘ulotlar doirasida harbiy xizmatchilar jangovar va maxsus tayyorgarlik, qurol-yarog‘dan foydalanish, taktik harakatlar va o‘zaro muvofiqlikni oshirish bo‘yicha amaliy bilim va ko‘nikmalarini mustahkamlashdi.
Mashg‘ulotlar davomida shaxsiy tarkib shartli jangovar vaziyatlarda harakat qilish, murakkab relyefda yo‘nalish topish, dushman o‘t ochish nuqtalarini aniqlash va neytrallashtirish kabi topshiriqlarni bajardi. Bundan tashqari, kunduzgi va tungi sharoitlarda otish tayyorgarligi hamda jangovar texnikalar bilan boshqaruv amaliyotlari ham muvaffaqiyatli o‘tkazildi.
Mazkur mashg‘ulotlar Qurolli Kuchlarimizning jangovar shayligi va tayyorgarligini yanada oshirish, harbiy xizmatchilarning murakkab holatlardagi harakat qilish qobiliyatini mustahkamlashga xizmat qiladi.
Sharqiy harbiy okrug matbuot xizmati