O‘zbekiston Respublikasi Mudofaa vazirligi

Yig‘in davomida yoshlar erta tongdan badantarbiya mashqalarini bajarib, ma’naviy-ma’rifiy va harbiy tayyorgarlik mashg‘ulotlarda,  bandligini taʼminlashga qaratilgan nazariy va amaliy mashgʻulotlar hamda turli sport o‘yinlarida qatnashishdi.
Bundan tashqari yoshlarni harbiy vatanparvalik ruhida tarbiyalash, ajdodlarimizga hurmat ruhida qarash, tinch va osoyishta hayotni qadriga yetish va uni asrab avaylash kabi tushunchalarni hamda mamlakatimizda yoshlar siyosatiga oid qonun osti xujjatlarning mazmun mohiyatini yetkazish hamda sog‘lom turmush tarzini targ‘ib etish maqsadida turli uchrashuvlar, mehnat yarmarkalari  hamda sport musobaqalari ham o‘tkazildi.
Xususan, yig‘inning so‘ngi kunida viloyat rahbari hamda Toshkent harbiy okrugi qo‘mondonligi ishtirokida tashkil etilgan “Rahbar va yoshlar” uchrashuvi yoshlar uchun katta imkoniyatlar eshigini ochdi.
Unda rahbarlar o‘zining bosib o‘tkan hayot yo‘llari hamda o‘z xizmat faoliyati, hayotiy tajribalari va yoshlarga berilayotgan imkoniyatlar xususida to‘xtalib, anashunday imkoniyatlar unumli foydalanib yurtimizni dunyoga tanitayotgan yoshlarni misol keltirishdi.

Uchrashuvda yoshlarning murojaatlari tinglanib, yig‘in ishtirokchilarini bandligini ta’minlashga alohida e’tibor qaratildi va harbiy xizmatga borish hamda qolish istagini bildirgan yoshlarga sharoit yaratish, kasb-hunar o‘rgangan yoshlarga esa tijorat bankalari orqali imtiyozli kredit ajratish hamda mahallasida tadbirkorlikni yo‘lga qo‘yish uchun imkoniyatlar berish hamdaa profilaktik hisobda turuvchi yoshlarni hisobdan chiqarish masalalari rahbarlarning nazoratiga olindi.
Tantanali yopilish marosimida 100 nafar yoshlarga egallagan mutaxassisligi boʻyicha sertifikatlar, turli sport musobaqalari hamda koʻrik-tanlovlarda gʻolib va sovrindor boʻlgan yoshlarga tashkilotchilarining esdalik sovg‘lari topshirildi.
Toshkent harbiy okrugi matbuot xizmati