“Eng ilgʻor harbiy psixolog” koʻrik-tanlovining yakuniy bosqichi bo‘lib o‘tdi
2025-07-12 11:15:00 / Yangiliklar
Darhaqiqat, zamonaviy jang sharoitida shaxsiy tarkibni faol jangovar harakatlarga psixologik tayyorlaydigan chuqur nazariy bilim, katta tajriba va mahoratga ega bo‘lgan kadrlarni yetishtirish bugungi kunning dolzarb masalalaridan biridir.
Ularning bilim saviyasini aniqlash va yanada oshirish borasida esa ushbu ko‘rik tanlovning ahamiyati juda katta. Xususan, soha vakillarini qo‘shinlarda amalga oshirayotgan ijtimoiy-psixologik tadbirlarning joriy holatini sifat jihatidan yuksaltirish hamda ilg‘or tajribalarni ommalashtirishni yo‘lga qo‘yayotganligiga alohida e’tibor qaratildi.
Shuningdek, ishtirokchilar bilet tanlab, unda ko‘rsatilgan savollarga javob berish bilan birga ish faoliyati davomida yuritayotgan hujjatlar va hisobotlarini taqdim etishdi.
Hakamlarning yakuniy hulosasiga ko‘ra quyidagi natijalar qayd etildi:
1-oʻrin: katta leytenant Abbos Bahriddinov (JGʻMHO);
2-oʻrin: katta leytenant Ahadjon Mehmonaliyev (MV tasarrufidagi qo‘mondonlik);
3-oʻrin: mayor Shohruh Ergashev (MHO) hamda leytenant Begzod Tojiyev (SHGʻHO):
Ko‘rik tanlovning g‘olib va sovrindorlari joriy yilning 4-avgust kuni ya’ni “Mudofaa vazirligi psixologik xizmat mutaxassislari kuni”da taqdirlanishadi.
Mudofaa vazirligi Axborot va ommaviy kommunikatsiyalar departamenti