O‘zbekiston Respublikasi Mudofaa vazirligi

Mudofaa vazirligi qoʻshinlarida mazkur intellektual oʻyinga yosh harbiy xizmatchilarni keng jalb qilgan holda joriy yilning 25-30- aprel kunlari viloyatlar hududida joylashgan harbiy qism va muassasalar oʻrtasida saralash bosqichi va 5-7- may kunlari harbiy okruglar kesimida hududiy bosqichi oʻtkazilib, okrug bosqichida birinchilikni qoʻlga kiritgan jamoalar vazirlik bosqichida ishtirok etishdi.

“Ajdodlar izidan” intellektual oʻyinining vazirlik bosqichini ishtirokchilari dastlab “G‘alaba bog‘i” yodgorlik majmuasida bo‘lib, unda “Shon-sharaf” muzeyi hamda “Millat fidoiylari”  majmuasida bo‘lib, vatan uchun jonini fido qilgan o‘g‘lonlarning xotirasini yod etib, ularga hurmat bajo keltirish maqsadid majmua poyiga gullar qo‘yishdi.

Qurolli Kuchlar Akademiyasida o‘tkazilgan asosiy bahslarda jamoalar ushbu tanlovda Muhammad Alining “Ulug‘ saltanat”, Mirmuhsinning “Temur Malik”, Oʻtkir Hoshimovning “Ikki eshik orasi”, Odil Yoqubovning “Koʻhna dunyo”,  “Alpomish” dostoni “Uygʻonish” toʻplami (Xorazmiy, Fargʻoniy) kabi kitoblardan tuzilgan savollarga javob berdi. 

Mudofaa vazirligi qoʻshinlarida “Ajdodlar izidan” intellektual oʻyininida quyidagi oʻrinlar qayd etildi:

3-oʻrin - Markaziy harbiy okrug – harbiy qismning “Buyuk Turon” jamoasi (Navoiy)

2-oʻrin - Toifalangan obyektlarni qoʻriqlash qoʻshinlari qoʻmondonligi – harbiy qismning “Millat Umidi” jamoasi (Toshkent v)

1-oʻrin - Toifalangan obyektlarni qoʻriqlash qoʻshinlari qoʻmondonligi – harbiy qismning “Temur vorislari” jamoasi (Qashqadaryo)

Faxrli oʻrinlarni egallagan jamoalar mudofaa vazirligining tegishli diplom va hamkor tashkilotlar tamonidan qibbat baho sovgʻalar hamda kitoblar toʻplami bilan taqdirlandi. G‘oliblikni qo‘lga kiritgan jamoa endilikda Qurolli Kuchlar miqyosida o‘tkaziladigan tanlovda ishtirok etadi.
Mudofaa vazirligi Axborot va ommaviy kommunikatsiyalar departamenti