“Jasorat maktabi” – maqsadlarga eltuvchi loyiha
2025-07-11 15:20:00 / Yangiliklar
Yoshlarning hayotdagi o‘z pozitsiyalarini aniqlab olishlariga ko‘maklashish maqsadida O‘zbekiston Respublikasi Qurolli Kuchlari Kichik mutaxassislar tayyorlash markazida "Jasorat maktabi" o‘quv yig‘inining navbatdagi mavsumi tashkil qilindi.
O‘quv yig‘inining tantanali ochilish marosimida harbiy prokuratura vakillari, faxriylar, davlat va jamoat tashkilotlari vakillari hamda yoshlar ishtirok etdi.
10 kun davom etadigan dastur davomida yoshlar Qurolli Kuchlar faoliyati bilan yaqindan tanishib, harbiy tayyorgarlik mashg‘ulotlarida bevosita ishtirok etib ko‘radi. Darslar jarayonida, ayniqsa, fuqarolik burchi va Vatanga sadoqat tushunchalari borasida qator nazariy va amaliy bilimlarga ega bo‘lishadi. Shuningdek, yoshlar bilan sport musobaqalari, ma’naviy-ma’rifiy suhbatlar va madaniy tadbirlar o‘tkazilishi rejalashtirilgan.
“Jasorat maktabi” — bu harbiy intizom, iroda, matonat va g‘urur makonidir. Vatan tinchligi uchun sobitqadam bo‘lishni niyat qilgan har bir yosh bu yerda o‘z o‘rnini topadi, albatta.
Markaziy harbiy okrug matbuot xizmati