Eng ilg‘orlar aniqlandi
2025-07-11 15:20:00 / Yangiliklar
Ofitserlarning kasbiy salohiyati, jangovar tayyorgarligi, nutq madaniyati, psixologik yondashuvi, harbiy xizmatchilar bilan ishlashda innovatsion metodlardan foydalanish darajasini baholash orqali eng ilg‘orlarni aniqlash va ularni rag‘batlantirish maqsadida tashkil etilgan tanlovda okrug qo‘shinlari tarbiyaviy va mafkuraviy ishlar organi ofitserlari o‘zaro bellashdi.
Ko‘rik-tanlov “Eng ilg‘or vzvod komandirining tarbiyaviy va mafkuraviy ishlar bo‘yicha o‘rinbosari”, “Eng ilg‘or batalyon komandirining tarbiyaviy va mafkuraviy ishlar bo‘yicha o‘rinbosari”, “Eng ilg‘or brigada komandirining tarbiyaviy va mafkuraviy ishlar bo‘yicha o‘rinbosari” yo‘nalishlari bo‘yicha o‘tkazildi.
Tanlov shartlariga ko‘ra, ofitserlar dastlab ma’naviy-ma’rifiy, tarbiyaviy-mafkuraviy hamda axloqiy-ruhiy tayyorgarlik ishlarini tashkil etish hamda umumharbiy nizomlariga doir test savollariga javob berdi.
Shuningdek, taktika va otish tayyorgarligi fanlaridan o‘tkazilgan sinovlar Vatan posbonlarining sohaga doir bilim va mahoratlarini baholagan bo‘lsa, jismoniy tayyorgarlik shartida harbiy xizmatchilar 100 hamda 3 ming metr masofaga yugurish, turnikda tortilish orqali epchillik va chidamlilik kabi jismoniy sifatlarini namoyon etdi.
Ko‘rik-tanlov natijalari bo‘yicha yuqori natijaga erishgan ofitserlar diplom va esdalik sovg‘alari bilan taqdirlandi. Tanlov g‘oliblari esa okrug sharafini himoya qilish uchun Mudofaa vazirligi bosqichiga yo‘llanma oldi.
Sharqiy harbiy okru matbuot xizmati