O‘zbekiston Respublikasi Mudofaa vazirligi

Unda jami 18 441 nafar nomzodning hujjatlari qabul qilindi. Bu yili ilk bor “Jasorat maktablari”ga ikki bosqichli saralash orqali 5 408 nafar oʻquvchilar qabul qilinadi. 

Kuni kecha poytaxtimizdagi UZEKSPO markazining pavelionlarida bilim va malakalarni baholash agentligi xodimlari nazoratida Jasorat maktabiga nomzodlar ona tili hamda matematika fanlaridan kirish uchun test sinovlarini topshirishdi.

Test sinovi topshirish jarayonini Mudofaa, Maktabgacha va makatab taʼlimi hamda Favqulodda vaziyatlar vazirining oʻrinbosarlari jarayonda qatnashib, o‘quvchilar test jarayonlarini bevosita kuzatib borishdi. 

Ana shundek jarayonlar Andijon viloyatida ham kechdi va unda nomzodlar o‘zlarining bilimlarini sinovdan o‘tkazishdi. Qabul imtihonlari 2 bosqichda boʻlib oʻtadi va keyingi bosqichda oʻquvchilar jismoniy tayyorgarlikdan oʻtishadi.  

Prezidentimizning  2024-yil 15-noyabrdagi tegishli qaroriga asosan Respublikamiz bo‘ylab 208 ta (har bitta shahar va tumanda bittadan) “Jasorat maktablari” faoliyati yoʻlga qoʻyilmoqda. Maʻlumot oʻrnida, ushbu maktablarda matematika, chaqiruvga qadar boshlangʻich tayyorgarlik fani, tarix, jismoniy tarbiya, chet tili, fizika fanlari chuqurlashtirilgan holda oʻqitiladi.

Mudofaa vazirligi Axborot va ommaviy kommunikatsiyalar departamenti