O‘zbekiston Respublikasi Mudofaa vazirligi

Natijada soʻnggi yillarda jismoniy tarbiya, sport rivoji yangi bosqichga koʻtarildi, aholi jismoniy faolligi yuksalib, yurtimizning xalqaro sportdagi yutuqlari ham oshib bormoqda. Bu muvaffaqiyatlar zamirida kurash sport turining ham hissasi bor.

Taʼkidlash joiz, qadimiy qadriyatlarimiz, xususan mardlik, jasurlik, vatanparvarlik, ezgulik, doʻstlik gʻoyalarini oʻzida mujassam etgan milliy kurashni ommalashtirish, rivojlantirish va dunyoga tanitish hamda uni umumjahon durdonasiga aylantirish boʻyicha soʻnggi yillarda qator ishlar amalga oshirildi.

Milliy kurash sport turini ommalashtirish va rivojlantirish borasida prokuratura organlari tomonidan keng qamrovli tadbirlar olib borilmoqda.

Oʻzbekiston Respublikasi Qurolli Kuchlari harbiy xizmatchilari va xodimlari oʻrtasida ilk bor “Prokuror kubogi” uchun oʻtkazilgan kurash chempionati ham bu boradagi tadbirlarning uzviy davomi boʻldi.

Dastlab joriy yilning iyun oyida chempionatning Qoraqalpogʻiston Respublikasi, viloyatlar va Toshkent shahri bosqichlari boʻlib oʻtdi. Ushbu hududiy bosqichlar Favqulodda vaziyatlar va Mudofaa vazirliklari, Milliy gvardiya, IIV Qorovul qoʻshinlari va DXX Chegara qoʻshinlari tizimida xizmat olib borayotgan harbiylar va xodimlar orasidan 600 ga yaqin harbiy kurashchini oʻzida birlashtirdi. Ulardan 126 nafari shohsupadan joy egallab, respublika bosqichiga yoʻllanmani qoʻlga kiritdi.

Chempionatning 1 va 2-iyul kunlari oʻtkazilgan respublika bosqichida 103 nafar erkak va 23 nafar ayol sportchi mutloq gʻoliblik uchun kuch sinashdi. Final bahslari yanada qizgʻin va shiddatli kurashlarga boy boʻldi.

Yakuniy natijalarga koʻra, hududlar kesimida quyidagi qoʻshin turlari tizimida xizmat qilayotgan harbiy kurashchilar gʻoliblikni qoʻlga kiritdi:

Ayollar oʻrtasida – 63 kg vaznda:

1-oʻrin: Muxlisa Ganjayeva – Toshkent shahri (IIV Qorovul qoʻshinlari);

2-oʻrin: Aziza Umarova – Fargʻona viloyati (Milliy gvardiya);

3-oʻrin: Iroda Olimova – Toshkent viloyati (Milliy gvardiya) va Zelfira Azamova – Toshkent shahri (Qorovul qoʻshinlari).

+ 63 kg vaznda:

1-oʻrin: Shahnoza Bozorova – Navoiy viloyati (Favqulodda vaziyatlar vazirligi);

2-oʻrin: Raxima Yuldasheva– Xorazm viloyati (Milliy gvardiya);

3-oʻrin: Guloyim Jumaboyeva – Qoraqalpogʻiston Respublikasi (Mudofaa vazirligi) va Dilafruz Mamadjonova – Namangan viloyati (Milliy gvardiya).

Erkaklar oʻrtasida – 73 kg vaznda:

1-oʻrin: Dilshod Boʻriyev – Toshkent shahri (Mudofaa vazirligi);

2-oʻrin: Muhriddin Gʻiyosov – Qashqadaryo viloyati (Mudofaa vazirligi);

3-oʻrin: Javohir Saparov – Toshkent viloyati (Favqulodda vaziyatlar vazirligi) va Jamshid Yoʻldashev – Surxondaryo viloyati (Favqulodda vaziyatlar vazirligi);

81 kg vaznda:

1-oʻrin: Sherbek Ablakulov – Qashqadaryo viloyati (Favqulodda vaziyatlar vazirligi);

2-oʻrin: Asad Choriyev – Surxondaryo viloyati (Favqulodda vaziyatlar vazirligi);

3-oʻrin: Zulfiddin Usmonov – Samarqand viloyati (Mudofaa vazirligi) va Axror Ziyodullayev – Toshkent shahri (Mudofaa vazirligi);

90 kg vaznda:

1-oʻrin: Oʻlmas Boypoʻlatov – Navoiy viloyati (Mudofaa vazirligi);

2-oʻrin: Sanjar Pardayev – Toshkent shahri (Mudofaa vazirligi);

3-oʻrin: Mirjalol Xolmurodov – Toshkent shahri (Mudofaa vazirligi) va Abbos Vaxobov – Qashqadaryo viloyati (Mudofaa vazirligi);

+ 90 kg vaznda:

1-oʻrin: Bekmurod Oltiboyev – Toshkent shahri (Mudofaa vazirligi);

2-oʻrin: Shaxzod Orzuqulov – Samarqand viloyati (Mudofaa vazirligi);

3-oʻrin: Akmal Gulmurodov – Qashqadaryo viloyati (Favqulodda vaziyatlar vazirligi) va Shoberdi Rustamov – Qoraqalpogʻiston Respublikasi (Milliy gvardiya).

"Prokuror kubogi"ga umumjamoa hisobida gʻolib boʻlgan Toshkent shahri harbiy kurashchilari jamoasi munosib topildi.

Chempionatning yopilish marosimida gʻolib va sovrindorlar Bosh prokuratura, Mudofaa, Favqulodda vaziyatlar, Sport va Ichki ishlar vazirliklari, Milliy gvardiya, DXX Chegara qoʻshinlari, Oʻzbekiston kurash federatsiyasi, Harbiy sud, qator hamkor tashkilotlar rahbariyati va masʼullari tomonidan diplom, medal, pul mukofoti va maxsus sovgʻalar bilan taqdirlandilar.

Umumjamoa hisobida birinchilikni qoʻlga kiritgan Toshkent shahri harbiy kurashchilar jamoasiga Bosh prokuror oʻrinbosari – Oʻzbekiston Respublikasi Harbiy prokurori O.Xolboyev tomonidan “Prokuror kubogi” tantanali ravishda topshirildi.

Adliya polkovnigi Qahramon ISROILOV,
Oʻzbekiston Respublikasi Harbiy 
prokurorining birinchi oʻrinbosari