O‘zbekiston Respublikasi Mudofaa vazirligi

Marosimda Janubi-g‘arbiy maxsus harbiy okrug qo‘mondonligi mas’ullari, mahalliy davlat hokimiyati vakillari, harbiy soha faxriylari, harbiy xizmatchilar, ularning oila a’zolari, yoshlar hamda keng jamoatchilik vakilari ishtirok etdi.

Tadbir davomida so‘zga chiqqanlar harbiy qismning shonli tarixiga to‘xtalib, uning jangovar tayyorgarligi, temir intizomi va yildan-yilga erishib kelayotgan salmoqli yutuqlarini alohida e’tirof etdilar. Shuningdek, so‘z olganlar Vatan mudofaasiga sadoqat bilan xizmat qilayotgan harbiy xizmatchilarning matonatli mehnatini yuksak baholab, ularning Vatanga sadoqatini chin ma’noda qahramonlik namunasi sifatida ta’kidladilar.

Darhaqiqat, ortda qolgan 84 yil mobaynida ushbu harbiy qism turli davr va murakkab sharoitlarda mamlakatimiz xavfsizligini ta’minlashda, yosh avlodni harbiy-vatanparvarlik ruhida tarbiyalashda va tinchlikni asrash yo‘lida fidokorona xizmat qilib kelmoqda. Bugun ham bu an’analar izchil davom ettirilmoqda.

Tadbir chog‘ida xizmat vazifasini sadoqat bilan bajarayotgan bir guruh harbiy xizmatchilar faxriy yorliqlar, esdalik sovg‘alari hamda navbatdagi harbiy unvonlar bilan taqdirlandi. 

Marosimning badiiy qismida esa harbiy orkestr hamda taniqli sanatkorlar tomonidan ijro etilgan Vatanni madh etuvchi kuy va qo‘shiqlar hamda ko‘rgazmali sahna ko‘rinishlar ishtirokchilarda ko‘tarinki ruh va g‘urur uyg‘otdi.

Janubi-g‘arbiy maxsus harbiy okrug matbuot xizmati