Termiz garnizonida Matbuot va ommaviy axborot vositalari kuni munosabati bilan Ochiq eshiklar kuni tashkil etildi
2025-06-25 13:45:00 / Yangiliklar
Mazkur tadbirda viloyatda faoliyat olib borayotgan davlat va huquqni muhofaza qiluvchi idoralar axborot xizmatlari rahbarlari, matbuot kotiblari hamda kuch tuzilmalarining axborot bo‘linmalari vakillari ishtirok etdi.
Tadbir ishtirokchilari dastlab Mudofaa vazirligiga ko‘maklashuvchi “Vatanparvar” tashkiloti tomonidan otish tayyorgarligi bo‘yicha sport musobaqasi uyushtirildi. Unda ishtirokchilar o‘zlarining mahorat, chaqqonlik va aniqlikda raqobatbardoshligini namoyon etdilar.
Shundan so‘ng mehmonlar harbiy qismda yaratilgan shart-sharoitlar bilan yaqindan tanishish imkoniyatiga ega bo‘lishdi. Ular harbiy xizmatchilar uchun barpo etilgan yashash joylari, ma’naviyat xonalari, sport inshootlari va kundalik xizmat faoliyatini ta’minlovchi zamonaviy infratuzilma bilan tanishdilar.
Tadbirning eng e’tiborli qismlaridan biri bu zamonaviy qurol-yarog‘ va harbiy texnikalar ko‘rgazmasi bo‘ldi. Mehmonlarga harbiy sohada qo‘llanilayotgan ilg‘or texnologiyalar, jangovar qurollar va himoya vositalari haqida harbiy mutaxassislar tomonidan batafsil ma’lumotlar berildi.
Yakunda harbiy qismga tashrif buyurgan bir guruh ommaviy axborot vositalari xodimlari sana munosabati bilan tashkilotchilar tomonidan faxriy yorliqlar va esdalik sovg‘alari bilan taqdirlandi.
Janubi-g‘arbiy maxsus harbiy okrug matbuot xizmati