O‘zbekiston Respublikasi Mudofaa vazirligi

Bugun O‘zbekiston Respublikasi harbiy aviatsiya instituti tarixida o‘chmas iz qoldirgan kun, sababi institut tashkil topgan kundan boshlab o‘zining 28 – bitiruvchi sarlochinlarini mustaqil O‘zbekistonimizning havo sarhadlari tomon kuzatishdi.  

Tantanali tadbir dastlab, Vatan oldidagi burchini ado etish chog‘ida yurtimiz ozodligi, xalqimizning bugungi tinch va osoyishta hayotini ta’minlash yo‘lida halok bo‘lgan mard va jasur qahramonlar xotirasini yod etish maqsadida bunyod etilgan “Mangu jasorat” monumentiga gulchambar qo‘yib, ularga hurmat-ehtirom ko‘rsatishdan boshlandi.
Mazkur tantanali tadbirda Janubi-g‘arbiy maxsus harbiy okrugi, Havo hujumidan mudofaa va Harbiy havo kuchlari qo‘mondonligi rahbariyati, Qashqadaryo viloyati davlat va jamoat tashkilotlari vakillari, Qarshi shahrida istiqomat qilayotgan yoshlar ishtirok etishdi.
Marosimda so‘z olganlar, bitiruvchilarga ta’lim tarbiya bergan ustozlari va ota-onalariga minnatdorlik bildirib, yosh ofitserlarning kelgusi xizmatlarida ulkan muvofaqqiyatlar tilashdi.

Tadbirning badiiy qismini jangovar samolyot va vertolyotlar parvozining kuch tuzilmalari bilan uyg‘unlikda harakatlarini o‘zida aks ettirgan harbiy-vatanparvarlik festivali ko‘rinishida o‘tkazilishi ushbu tadbirning salmog‘ini yanada ochib berdi.
Mudofaa vazirligi Axborot va ommaviy kommunikatsiyalar departamenti