Shimolda Qurolli Kuchlar markaziy ashula va raqs ansamblining konsert dasturlari namoyish etildi
2025-06-20 19:15:00 / Yangiliklar
Shimoli-g‘arbiy harbiy okrugning Nukus garnizoni hamda Jaloliddin Manguberdi harbiy akademik litseyida yoshlar va harbiy xizmatchilarning oila a‘zolarining dam olish kunlarini maroqli o‘tkazish maqsadida O‘zbekiston Respublikasi Qurolli Kuchlari markaziy ashula va raqs ansambli ishtirokida konsert dasturlari namoyish etildi.
Dastlab Nukus garnizonida bo‘lgan harbiy san’atkorlar o‘zlarining ona Vatan va tinchlikni, sadoqat, mehr-muhabbat va jasoratni ulug‘lovchi kuy-qo‘shiqlari bilan tomoshabinlar qalbiga iliqlik ulashdi.
Jaloliddin Manguberdi harbiy akademik litseyida tashkil etilgan konsert dasturida ham xar bir yangragan kuy-qo‘shiq va go‘zal raqslar litsey o‘quvchilari va harbiy oilalarga jo‘shqinlik, madaniy hordiq ulashish bilan birga ruhiyatini ko‘tarib, badiiy didini, ma’naviy olamini boyitishga xizmat qildi.
Shimoli-g‘arbiy harbiy okrug matbuot xizmati