Nukusda shaxmat bo‘yicha “Mudofaa vaziri kubogi” musobaqasi o‘tkazildi
2025-06-19 15:20:00 / Yangiliklar
Mazkur musobaqada harbiy okrug, qism va muassasalardan saralangan iqtidorli harbiy xizmatchilar o‘z bilim va salohiyatlarini namoyon etishdi. Turnir davomida ishtirokchilar strategik fikrlash, diqqat va sabr-toqat kabi fazilatlarini amalda sinovdan o‘tkazish imkoniyatiga ega bo‘ldi.
Ushbu musobaqa harbiy xizmatchilarda iroda, mustaqillik kabi shaxsiy sifatlar shakllanishi va mantiqiy fikrlash uchun ham katta ahamiyatga ega bo‘ldi.
Yakunda natijalar quyidagicha qayd etildi:
1 – o‘rin Janubi-g‘arbiy maxsus harbiy okrug jamoasi;
2 – o‘rin Toifalangan obyektlarni qo’riqlash qo‘shinlari qo‘mondonligi jamoasi;
3 – o‘rin Sharqiy harbiy okrug jamoasiga nasib etdi.
G‘olib va sovrindorlar Mudofaa vazirligining diplom hamda qimmatbaho sovg‘alari bilan taqdirlandi.
Shimoli-g‘arbiy harbiy okrug matbuot xizmati