O‘zbekiston Respublikasi Mudofaa vazirligi

Real vaziyatlarga yaqinlashtirilgan mashgʻulotlarda mutaxassislarning jangovar, taktik va maxsus tayyorgarligini oshirishga alohida eʼtibor qaratilayotgani, har bir vazifani mohirlik bilan bajarayotgan amaliy mashgʻulotlarda yaqqol ifodasini topmoqda.
Jangovar mashgʻulotlarda razvedka mutaxassislarining ham alohida oʻrni bor. Zamonaviy uskunalar va uchuvchisiz uchuvchi apparatalar yordamida nishon koordinatalari aniqlandi, yuqori qoʻmondonlikka maʼlumotlar aniq tiniq qilib yetkazildi. Oxirgi jarayon esa oʻt ochish va nishonni yoʻq qilish amalga oshirildi.
Amaliy mashgʻulotlar davomida shaxsiy tarkibning kichik guruhlar tarkibida ishlash, mustaqil va toʻgʻri qaror qabul qilish, bir soʻz bilan aytganda ularda komandirlik sifatlarini shakllantirishga ham alohida etibor qaratildi.
Albatta, kutilgan yuqori natijaga erishish, mashgʻulotlarni talofatsiz, yuqori sifatda bajarish, shaxsiy tarkibning egallagan nazariy bilimlarni amalda mustahkamlashda ushbu  mashgʻulotlar muhum oʻrin tutadi. Bu yoʻlda yurt oʻgʻlonlari chinakkamiga toblanadi va oʻzining jangovar tayyorgarlik darajasini yanada oshirdi. Mashg‘ulotlar esa davom etmoqda…
Mudofaa vazirligi Axborot va ommaviy kommunikatsiyalar departamenti