O‘zbekiston Respublikasi Mudofaa vazirligi

Institut rektori so‘zga chiqib “Yoshlarni vatanparvarlik ruhida tarbiyalash – kelajak avlodning poydevori” shiori ostida o‘tkazilayotgan yoshlar oyligi doirasida barchani faol bo‘lishga va yurtimiz tinchligimi asrab avaylash barchaning muqaddas burchi ekanligini takidlab o‘tdi.
Shundan so‘ng, Mudofaa vazirligining namunali harbiy orkestri, Qurolli Kuchlar akademiyasining faxriy qorovul vzvodi hamda Toifalangan obyektlarni qo‘riqlash qo‘shinlari qo‘mondonligining qo‘l jangi ustalari tomonidan jonli va ko‘rgazmali chiqishlar namoyish etildi.
Bu chiqishlar nafaqat yoshlar balki institut rahbariyati, fakultet dekanlari, professor-o'qituvchilar, tyutorlar qalbida milliy g‘urur, jasorat va Vatanga sadoqat tuyg‘ularini yanada mustahkamladi.
Yuqori saviyada ijro etilgan musiqiy chiqishlar ishtirokchilarda ko‘tarinki ruh uyg‘otib, tadbir raqslarga ulanib ketdi. Bunday quvonchli lahzalar yoshlarga iliq xotiralar va unutilmas taassurotlar bag‘ishladi.
Mudofaa vazirligi Axborot va ommaviy kommunikatsiyalar departamenti