Qashqadaryoda “Vatanparvar” tashkiloti uchun yangi texnikalar topshirildi
2025-05-31 10:55:00 / Yangiliklar
Zamon talablariga to‘liq javob beradigan avtomobillar endilikda “B” va “BC” toifasidagi haydovchilik guvohnomasini olish uchun o‘qiyotgan o‘rganuvchilarning amaliy haydash ko‘nikmasini mustahkamlash uchun xizmat qiladi.
Shuningdek, tashkilot tasarrufidagi o‘q otish sport seksiyalarida shug‘ullanuvchi sportchilar uchun yangi turdagi 50 dona zamonaviy pnevmatik qurollar xarid qilinib o‘quvchilar foydalanishi uchun tantanali ravishda topshirildi.
Marosimda so‘z olganlar barchani yangi texnikalar va qurollar qabul qilinishi munosabati bilan samimiy tabriklab, bugungi kunda yo‘llarda sodir bo‘layotgan yo‘l transport hodisalarini oldini olish uchun ham o‘qitish tizimini yanada takomillashtirish lozimligini hamda o‘q otish sport turi dolzarbligini yoshlar onggiga singdirish muhim ekanini alohida ta’kidladilar.
Janubi-g‘arbiy maxsus harbiy okrug matbuot xizmati