O‘zbekiston Respublikasi Mudofaa vazirligi

Mazkur tadbir O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tashabbusi bilan tashkil etildi. 

Mehmonlar dastlab markaz binosi va unda yaratilgan zamonaviy infratuzilma bilan tanishdilar. Jumladan, Axborot-media va “Vatanparvar” birlashgan tahririyati boshqarmalari, Elektron ommaviy axborot vositalari va Web-resurslar bilan ishlash bo‘limi, shuningdek, faoliyatni ta’minlash bo‘linmalari atroflicha namoyish etildi.

Departament faoliyatini samarali tashkil etish maqsadida yaratilgan telekanallar va maxsus loyihalar bilan ishlash xonalari, ovoz yozish studiyasi, 7 ta telemontaj xonasi, shuningdek, 300 kv.metr maydonga ega “Armiya studiyasi” pavilyoni mehmonlarda katta taassurot qoldirdi.

Tashrif davomida ishtirokchilar milliy armiyamizning shonli tarixini yoritishda muhim o‘rin tutayotgan “Vatanparvar” gazetasi tahririyati faoliyati bilan ham yaqindan tanishdilar. Har bir bo‘lim va texnik jihatdagi imkoniyatlar mehmonlar tomonidan yuqori baholandi.

Uchrashuv davomida ikki mamlakat jurnalistlari o‘rtasida yaqin aloqalarni o‘rnatish, o‘zaro tajriba almashish, madaniy va axboriy hamkorlikni yanada kengaytirish masalalari muhokama qilindi. Tomonlar axborot sohasidagi o‘zaro hamkorlik istiqbollarini belgilab, kelgusida qo‘shma media loyihalar va o‘zaro tashriflarni yo‘lga qo‘yish bo‘yicha fikr almashdilar.

Ta’kidlash joizki, mazkur tashrif O‘zbekiston va Ozarbayjon o‘rtasidagi do‘stona aloqalarning yana bir amaliy ifodasi bo‘lib, ayniqsa axborot-kommunikatsiya sohasida tajriba almashish va kasbiy muloqotni rivojlantirishda muhim qadamlardan biri bo‘ldi.

Yakunda delegatsiya vakillari "G‘alaba bog‘i" va "Shon-sharaf" muzeyida bo‘lib, u yerdagi eksponatlar bilan yaqindan tanishishdi.

Mudofaa vazirligi Axborot va ommaviy kommunikatsiyalar departamenti