Qamashilik 115 yoshli Roʻziboy bobo Harbiy havo kuchlari samolyotida parvoz qildi
2025-05-10 19:35:00 / Yangiliklar
Mehmonlar bilan kechgan suhbat davomida Roʻziboy ota anchadan buyon amalga oshmay kelayotgan bir orzusi bor ekanligini bildirdi. Ya’ni, otaxon samolyotda parvoz qilish istagi borligini aytib o‘tdi.
Bugungi tinch va osuda hayotimizning sababchilaridan biri bo‘lgan Ro‘ziboy otani orzu-istaklarini amalga oshirish maqsadida, bugun Prezidentimizning topshirig‘iga asosan, Mudofaa vazirligining Harbiy havo kuchlariga qarashli samolyot Xonobod aerodromiga yuborildi.
Dastlab, otaxonning salomatligi harbiy shifokorlarning nazoratidan o‘tkazilib, Janubi-g‘arbiy maxsus harbiy okrug qo‘mondonligi, viloyat va tuman hokimligi ma’sullari hamda otaxonning yaqinlarining hamrohligida viloyat boʻylab havo lochinida parvoz tashkil etildi.
Bugungi kunimizning qahramoni Ro‘ziboy ota bunday e’tibor va g‘amxo‘rlik uchun Prezidentimizga samimiy minnnatdorchilik bildirdi.
Mudofaa vazirligi Axborot va ommaviy kommunikatsiyalar departamenti