O‘zbekiston Respublikasi Mudofaa vazirligi

Konferensiya davomida «Kursantlarda yuksak vatanparvarlik tuyg‘ularini va jangovar ruhni mustahkamlashda Ikkinchi jahon urushida qahramonlik ko‘rsatgan vatandoshlarimizning o‘rni va roli» mavzusida tayyorlangan ma’ruzalar tinglandi. Xususan, O‘zbekiston, Tojikiston va Qirg‘iz Respublikasining Ikkinchi jahon urushidagi g‘alabaga qo‘shgan hissasi raqamlarda, arxiv ma’lumotlarida keltirib o‘tildi.

Chirchiq oliy tank qo‘mondonlik-muhandislik bilim yurti kursantlari Oybek Zaripov (O‘zbekiston), Sharifxo‘ja Ubaydullazoda (Tojikiston), Nursulton Djinishbekov (Qirg‘iz Respublikasi), IIV akademiyasi kursanti Dilafro‘z Do‘sanova (O‘zbekiston), Favqulodda vaziyatlar vazirligi akademiyasi kursanti Yorqinbek Abrolov (O‘zbekiston) singari bo‘lajak ofitserlarning ilmiy ma’ruzalari yig‘ilganlar olqishlariga sazavor bo‘ldi.

Xalqaro ilmiy-uslubiy konferensiya yakunida Ikkinchi jahon urushiga oid foto ko‘rgazma tashkillashtirildi. «Ajdodlar izidan» harbiy-tarixiy jamiyati tomondan tashkillashtirilgan «Men bobomni izlayman» tanlovi g‘olib va sovrindorlari e’lon qilinib, ularga esdalik sovg‘alari topshirildi.

Mudofaa vazirligi Axborot va ommaviy kommunikatsiyalar departamenti