Qoraqalpog‘istonda yoshlar vatanparvarlik ruhi bilan ulg‘aymoqda
2025-05-05 16:45:00 / Yangiliklar
Mazkur musobaqa mahalla, shahar va tuman bosqichlarida faol ishtirok etgan mahalla yoshlari uchun katta sinov maydoniga aylandi. Bellashuvlarda ishtirokchilar nafaqat jismoniy, balki aqliy va ruhiy salohiyatlarini ham namoyon etishdi.
Tadbirning bosh maqsadi — yoshlar orasida sog‘lom turmush tarzini targ‘ib qilish, ularning intelektual salohiyatini oshirish, yoshlarni harbiy xizmatga tayyorlash, jamoaviylik, intizom va liderlik fazilatlarini shakllantirishdan iborat bo‘ldi.
Bellashuvlar davomida ishtirokchilar qurolni yig‘ish va qismlarga ajratish, harbiy to‘siqlardan o‘tish, granata uloqtirish, yugurish estafetasi va turnikda tortilish kabi sinovlarda o‘z mahoratlarini namoyon etdilar. Shuningdek, musobaqaning alohida qismida “Vatanga sadoqat” mavzusida viktorina o‘tkazildi. Bu bellashuv yoshlarning tarixiy bilimlari, Vatan, xalq va armiyaga bo‘lgan munosabati, umumiy dunyoqarashi va fikrlash doirasini baholash imkonini berdi.
Musobaqa yakunida g‘olib va faol jamoalar tashkilotchilar tomonidan diplom, medal va esdalik sovg‘alari bilan taqdirlandi.
Shimoli-g‘arbiy harbiy okrug matbuot xizmati