Leningrad qamali guvohi holidan xabar olindi
2025-05-05 12:40:00 / Yangiliklar
Shu munosabat bilan Toshkent harbiy okrugi qo‘mondoni hamda Toshkent harbiy prokurori Ikkinchi jahon urushi qatnashchisi, Leningrad shahri qamaliga guvoh bo‘lgan Irina Pankova holidan xabar olishdi.
Ushbu yo‘qlov davomida ular faxriy onaxon bilan samimiy suhbatlashib, uning hayot yo‘li, urush yillaridagi mashaqqatli kunlari, Leningrad qamalidagi sabr-toqat, matonat va jasorat bilan to‘la daqiqalar haqida tinglashdi. Irina Pankova o‘z xotiralarida Leningradning qamaldagi hayoti, sovuq, ocharchilik va doimiy xavf ostida o‘tgan kunlarni tilga oldi.
Dildan chiqqan samimiy suhbat davomida bugungi avlodlar baxtli hayot kechirayotganining sabablari haqida iliq so‘zlar aytildi. Qahramonimizning xizmatlari munosib e’tirof etilib, unga esdalik sovg‘alari topshirildi.
Darhaqiqat, tinchlikni qadrlash — tarixni unutmaslikdan boshlanadi. Xotira va qadrlash kuni ana shu muqaddas xotirani saqlab qolish, tarixdan saboq chiqarish va kelajak avlodni vatanparvarlik ruhida tarbiyalashning amaliy ifodasidir.
Toshkent harbiy okrugi matbuot xizmati