O‘zbekiston Respublikasi Mudofaa vazirligi

Shu jumladan, Buxoro viloyati Qorovulbozor tumanidagi “Neftchilar” madaniyat markazida tumanda joylashgan kuch tuzilmalarning harbiy xizmatchilar va ularning oila a’zolari ishtirokida ommaviy va sayyor qabul o‘tkazildi.
Unda Mudofaa vazirligi, Respublika harbiy prakuraturasi va Qurolli Kuchlar kuch tuzulmalarining mas’ullari ofitserlari, tuman hokimligi hamda bir qator davlat va jamoat tashkiloti vakillari ishtirok etdi.
Qabul avvalida harbiy xizmatchilar va ularning oila a’zolari uchun yaratilgan keng imkoniyatlar, qonunchilikka kiritilayotgan o‘zgarish va qo‘shimchalar haqida batafsil ma’lumotlar berildi.
Shundan so‘ng, vazirlik idora va turli tashkilotlar ishtirokida yakka tartibda sayyor qabullar boshlandi. Unda asosan harbiy xizmatchilarning turmush o‘rtog‘lari uchun bo‘sh ish o‘rinlari, maktab va maktabgacha ta’lim, oliy ta’lim muassasasiga kirish hamda uy-joy masalalarida murojaatlar qabul qilindi. Murojaatlarning ayrimlari shu joyda o‘zida o‘z yechimini topgan bo‘lsa, vaqt talab etadiganlari nazoratga olindi.
Yakunda harbiy oilalarning bandligini ta'minlash maqsadida korxona va tashkilotlar ishtirokida bo‘sh ish o‘rinlari yarkamasi tashkil etildi.
Mudofaa vazirligi axborot va ommaviy kommunikatsiyalar departamenti