O‘zbekiston Respublikasi Mudofaa vazirligi

Shu munosabat bilan Qurolli Kuchlar akademiyasining bir guruh harbiy xizmatchilari poytaxtimizning Mirzo Ulug‘bek tumanida yashovchi Ikkinchi jahon urushi faxriysi Akmal ota Akramovning xonadonida bo‘lishdi. 
Harbiylar faxriy otaxon bilan dildan suhbatlashib, u kishining hayotiy yo‘li, urush yillaridagi mashaqqatli damlari, jangovar xizmatlari haqida hikoyalarini katta ehtirom bilan tinglashdi. Samimiy suhbat davomida o‘tgan kunlar xotirasi, bugungi tinch va farovon hayotimiz, bugungi yoshlarning baxtli yashashi uchun qilingan fidokorliklar haqida iliq so‘zlar aytildi.
Darhaqiqat, Akmal otaning hikoyalari tarixiy haqiqatni o‘zida mujassam etgan bo‘lib, ularda jasorat, matonat va sabr-toqatning yorqin namunalarini ko‘rish mumkin. Bu kabi suhbatlar, faxriylarga ko‘rsatilgan e’tibor va hurmat yoshlarga ruhiy tayanch, kuch-quvvat bag‘ishlab, ularni Vatanga xizmat qilish, o‘z yurtiga fidoyilik bilan qarash ruhida tarbiyalaydi. 

Qurolli Kuchlar Akademiyasi axborot xizmati