Soha vakillarining bilim va ko‘nikmalari oshirildi
2025-04-13 15:35:00 / Yangiliklar
Yig‘in doirasida "O‘zbekiston-2030" strategiyasining mazmun-mohiyati, axborot-tahliliy faoliyat asoslari shuningdek, kadr sohasi bo‘yicha yangi me'yoriy va rahbariy hujjatlarning talablari hamda mamlakatimizda kadrlar menejmenti yo‘nalishida olib borilayotgan islohotlarga oid ma'lumotlar yetkazildi.
Yig‘in davomida soha vakillarining professional tayyorgarligi va kadr faoliyatini takomillashtirishga oid kiritilgan taklif va tavsiyalari tahlil etilib, kelgusida amalga oshirilishi lozim bo‘lgan ustuvor yo‘nalishlar va asosiy vazifalar belgilandi.
Nazariy va amaliy qismdan iborat ushbu yig‘ining amaliy qismida esa kadr yo‘nalishida hujjatlarni ishlab chiqish va rasmiylashtirish, axborot texnologiyalari, jismoniy tayyorgarlik, otish tayyorgarligi kabi nazorat sinovlari ham o‘tkazildi.
Markaziy harbiy okrug matbuot xizmati