Muddatli harbiy xizmatchilar harbiy texnikalar va qurol-aslahalar bilan tanishtirildi
2025-04-09 18:35:00 / Yangiliklar
Mashg‘ulotlarda askarlar milliy armiyamizda foydalaniladigan qurol-aslahalar, jangovar va harbiy texnikalar, harbiy xizmatchilarga belgilangan taʼminot meʼyorlari bilan yaqindan tanishtirildi.
Tashkil etilgan 14 ta oʻquv nuqtasida tajribali ofitser va serjantlardan iborat mashgʻulot rahbarlari askarlarga harbiy texnikalar xususida batafsil tushunchalar berdi. Mashg‘ulotda asosiy e’tibor oʻqotar qurollar, jangovar, harbiy va maxsus texnikalarning vazifasi qoʻllanilishi hamda ulardan foydalanilganda xavfsizlik qoidalariga amal qilishga qaratildi.
Termizdagi umumqo‘shin dala poligonida o‘tkazilgan ushbu mashg‘ulotlar, yigitlarga o‘zlarining jangovar tayyorgarliklarini oshirish bilan birga, milliy armiyamizda xizmat qilishni yanada ko‘proq faxr va sharaf bilan qabul qilish imkoniyatini yaratadi.
Janubi-gʻarbiy maxsus harbiy okrug matbuot xizmati