O‘zbekiston Respublikasi Mudofaa vazirligi

Navoiy viloyatining olis hududlaridan biri bo‘lgan Uchquduq tumanida joylashgan  Madaniyat uyida o‘tkazilgan navbatdagi sayyor qabul ham ayanan ushbu ezgu maqsadlarga qaratilgani bilan ahamiyatli bo‘ldi. 

Unda Mudofaa vazirligi, Respublika harbiy prokuraturasi va Qurolli Kuchlar kuch tuzilmalarining mas’ul ofitserlari hamda tuman hokimligining bir qator  davlat va jamoat tashkiloti vakillari ishtirok etib, Uchquduq tumani va Zarafshon shahrida joylashgan harbiy qism va muassasalarda xizmat qilayotgan harbiy xizmatchilar oila a’zolarining murojaatlarini tinglashdi. 

Vazirliklarning tegishli bosh boshqarmalari boshliqlari, mas’ul ofitserlari, mutaxassislari ishtirokida o‘tkazilgan ochiq va samimiy muloqotlar davomida muammolar chuqur o‘rganilib, tahlil qilindi. Har bir murojaat imkon darajasida joyida hal qilinib, zarur hollarda huquqiy ko‘mak berildi. 

Xususan, har bir murojaati bor fuqaro va harbiy xizmatchilar bilan yakka tartibda suhbatlar olib borildi va unda fuqarolar, harbiy xizmatchilar o‘zlarini qiynab kelayotgan muammolar, yechimini kutayotgan savollar, ariza va takliflari bilan hech qanday ko‘priksiz yuzlandi.

Sayyor qabul yakuniga kelib tushgan murojaatlarning aksariyati shu joyning oʻzida hal etilgan bo‘lsa, ma’lum bir vaqt talab etiladigan murojaatlar esa tegishliligi boʻyicha mutasaddilarga yoʻnaltirildi va nazoratga olindi.

Mudofaa vazirligi axborot va ommaviy kommunikatsiyalar departamenti