O‘zbekiston Respublikasi Mudofaa vazirligi

Tadbir avvalida tashkil etilgan vatanparvarlik festivali hamda harbiy texnikalar va qurol-aslahlar ko‘rgazmasi san’at saroyiga chin ma’noda haqiqiy harbiy muhitni olib kirdi desak, mubolag‘a bo‘lmaydi.
Postonovkachi rejissiyor Izzat Qalandarov va ssenariy muallifi Nizomiddin Mo‘minov boshchiligidagi ijodiy guruh ishtirokida ekran yuzini koʻrgan “Garov” filmining dastlabki tomoshabinlari ham deyarli vatan himoyachilaridan iborat boʻldi.
Yoshlarni vatanparvarlik ruhida tarbiyalash, harbiylik kasbiga bo‘lgan qiziqishni oshirishga qaratilgan ushbu filmda yaratilgan Bunyod, Arslon, Elbek va Shoxrux kabi obrazlar bugungi kun yoshlarini chin ma’noda vatanparvarlikda, yurt ravnaqi yo‘lida birlashishiga chorlagani bilan ahamiyatli bo‘ldi. 
Film premyerasining yana bir quvonarli jihati shunda bo‘ldiki, san’atkor Otabek Abdualiyev ijrosida ishlangan soundtrack ham tomoshabinlarning katta olqishiga sazovor bo‘ldi. 
Premyera yakunida kinoijodkorlarning ijro va mahorati Mudofaa vazirligi  rahbariyati tomonidan e’tirof etilib, kelgusi faoliyatlariga omad tilandi va vazirlikning esdalik sovg‘alari taqdim etildi. 
Mudofaa vazirligi Axborot va ommaviy kommunikatsiyalar departamenti