O‘zbekiston Respublikasi Mudofaa vazirligi

Unda O‘zbekiston Respublikasi Mudofaa, Ichki ishlar, Favqulodda vaziyatlar vazirliklari, Davlat xavfsizlik xizmati, Milliy gvardiya mutasaddilari, tibbiyot xodimlari, psixologlar va amaliyotchilar ishtirok etdi.

Konferensiyada suitsid muammosining dunyo hamda O‘zbekiston miqyosida dolzarbligiga e’tibor qaratilib, kuch tuzilmalarida uni oldini olishga qaratilgan ishlarning samaradorligi haqida so‘z yuritildi. Mazkur muammoga qarshi kurashishda samarali tizimlarni rivojlantirish va jamiyatda unga nisbatan har tomonlama yondashish muhimligi ta’kidlandi.

Tadbirda “Suitsidar xulq-atvor muammosining nazariy asoslari”, “Suitsidar xulq-atvor muammosini korreksiya qilish usullari”, “Qurolli Kuchlar tizimida suitsid sabablari va uni profilaktika qilish yo‘llari” va “Mudofaa vazirligi tizimida psixologik ishlarni tashkillashtirishning holati: muammo va yechimlar, ilg‘or tajribalar hamda istiqboldagi rejalar” kabi mavzularda ma’ruzalar tinglandi.

Ma’ruzalarda suitsidning o‘zgarishlar, stress, yomon psixoemotsional holat, ish ortidan kelgan to‘qnashuvlar kabi bir qator sabablar bilan bog‘liq ekanligiga urg‘u berildi. Shuningdek, suitsidning oldini olish uchun aniq profilaktik ishlarni yo‘lga qo‘yish, psixoterapevt va psixologlar bilan yaqindan hamkorlik qilish muhim ekani aytildi.

Konferensiya yakunida ishtirokchilarga sertifikat va tashakkurnomalar topshirildi. Bu tadbirning o‘tkazilishi mamlakatimizda harbiy xizmatchilarning salomatligini, ularning psixoemotsional holatini muhofaza qilish va barqarorligini ta’minlashga qaratilgan ishlarning ahamiyatini yanada oshirdi.

Tadbir ishtirokchilari o‘zlarining ilg‘or tajribalari bilan o‘rtoqlashib, kelgusidagi vazifa va rejalar haqida fikr almashdilar.

Ro‘ziqul Ochilov, Mudofaa vazirligi Axborot va ommaviy kommunikatsiyalar departamenti