Vatan xizmatining sharafi: ota-onalarga tashakkurnoma, askarlarga tavsiyanoma
2025-03-24 18:05:00 / Yangiliklar
Yigitlarni uylariga kuzatish arafasida tashkil etilgan tadbirda Mudofaa vazirligi mas’ullari, harbiy okrug qo‘mondonligi, faxriylar hamda yoshlar va ularning ota-onalari ishtirok etdi.
Tadbirda harbiy qismlarda jamoat tartibini saqlash, fuqarolar hayotini himoya qilish kabi muhim vazifalarni bajarishdagi fidoyiliklari uchun muddatli harbiy xizmatchilarga qoʻmondon tomonidan alohida eʼtibor qaratilib, ularning sa’y-harakatlari va xizmatdagi fidoyiliklarini e’tirof etgan holda esdalik sovg‘alari topshirildi.
Tadbr yakunida harbiy xizmatni namunali oʻtagan askarlarning ota-onalariga Toshkent harbiy okrug qoʻmondonligi nomidan tashakkurnomalar yo‘llandi. Xizmatini namunali bajarib, test sinovlaridan muvaffaqiyatli oʻtgan bir guruh muddatli harbiy xizmatchilarga oliy taʼlim muassasalariga oʻqishga kirishlari uchun tavsiyanomalar berildi.
Toshkent harbiy okrug matbuot xizmati