“Shijoat va g‘ayrat” harbiy-sport musobaqasi oldidan mabtuot anjumani bo‘lib o‘tdi
2025-03-17 19:50:00 / Yangiliklar
Shundan kelib chiqib Mudofaa vazirligi Maʼnaviyat va madaniyat markazida “Shijoat va g‘ayrat” harbiy-sport musobaqasini tashkil etish hamda uni o‘tkazish bo‘yicha matbuot anjumani o‘tkazildi. Unda O‘zbekiston mahallalari uyushmasi, Yoshlar ishlari agentligi, Davlat xavfsizligi xizmati, Mudofaa va Sport vazirliklari hodimlari, keng jamoatchilik vakillari, yoshlar va OAV vakillari ishtirok etdi.
Dastavval mas’ul shaxslar tomonidan yig‘ilganlarga musobaqaning maqsad va mohiyati tushintirildi. Shuningdek, tadbir ishtirokchilari o‘zlarini qiziqtirgan savollariga atroflicha javob olishdi.
Ma’lumot o‘rnida, hamkor tashkilotlar ishtirokida “Shijoat va g‘ayrat” harbiy-sport musobaqasini tashkil etish hamda uni o‘tkazish bo‘yicha qo‘shma qaror va musobaqa nizomi tasdiqlangan. Musobaqa shartlariga ko‘ra, mahallalarda istiqomat qiluvchi 18-22 yosh orasidagi O‘zbekiston fuqarolari ishtirok etishi mumkin bo‘lib, 7 ta shart asosida bellashishi belgilandi. Jumladan:
- Turnikda tortilish (o‘smirlar uchun);
- Orqa bilan yotgan holatdan tanani ko‘tarish (press) (qizlar uchun);
- O‘quv qo‘l granatasini uzoqlikka uloqtirish;
- Uzoq masofaga yugurish;
- Qisqa masofaga yugurish;
- AK-74 (Kalashnikov avtomatini) noto‘liq qismlarga ajratish va yig‘ish;
- Merganlar bellashuvi (Pnevmatik quroldan o‘q uzish).
Bellashuvlar joriy yilning 1-apreliga qadar — mahalla, 30-aprelga qadar — tuman (shahar), 20-mayga qadar — hudud va 20—30-iyun oralig‘ida — final bosqichi o‘tkaziladi. Har bir bosqich g‘oliblari mas’ullar tomonidan diplom, esdalik sovg‘alari va pul mukofoti bilan rag‘batlantirib boriladi.
Ta’kidlash joizki, final bosqichida eng yuqori ko‘rsatkichlarga erishgan jamoa a’zolariga harbiy va harbiylashtirilgan oliy ta’lim muassasalariga o‘qishga kirish uchun tavsiyanomalar beriladi.
Shuningdek, final bosqichi g‘oliblarining mahallasiga:
- 1-o‘rin uchun Universal sport maydonchasi;
- 2-o‘rin uchun strit vorkout maydonchasi;
- 3-o‘rin uchun vorkout maydonchasi qurib beriladi.
Darhaqiqat, mazkur harbiy-sport musobaqasi mahalla yoshlari uchun chin ma’noda juda katta vatanparvarlik poligoni bo‘lib, milliy armiyamiz safida xizmat qilish hamda harbiy sohaga o‘qishga va ishga kirishda keng imkoniyatlarni yaratadi.
Yakunda Qurolli Kuchlari Markaziy ashula va raqs ansambli o‘z konsert dasturini namoyish etib, barchaga bayramona kayfiyat ulashdi.
Mudofaa vazirligi Axborot va ommaviy kommunikatsiyalar departamenti