O‘zbekiston Respublikasi Mudofaa vazirligi

Unda O‘zbekiston Respublikasi mudofaa vaziri – O‘q otish sporti federatsiyasi raisi, general-mayor Shuhrat Xalmuxamedov, sport vaziri Adham Ikramov, O‘zbekiston Milliy olimpiya qo‘mitasi Bosh kotibi Oybek Kasimov, shuningdek, respublikamizning barcha hududlarida tashkil etilgan studiyalardan hududiy sport boshqarmalari, “Vatanparvar” tashkiloti va o‘q otish sporti bo‘yicha mas’ullar, Federatsiya vakillari hamda murabbiylar ishtirok etdi. 

Xabaringiz bor, 2024-yilning 4-noyabr kuni O‘zbekiston Respublikasi Prezidentining “O‘q otish sport turlarini yanada rivojlantirish va ommalashtirish chora-tadbirlari to‘g‘risida”gi qarori e’lon qilindi. Mazkur qaror mamlakatimizda ushbu sport taraqqiyotini yangi bosqichga olib chiqish, iqtidorli sportchilarni tayyorlash, murabbiy va hakamlar malakasini oshirish, moddiy-texnik bazasini mustahkamlash kabi ustuvor yo‘nalishlarda dasturulamal bo‘lib xizmat qilmoqda. 

Konferensiyani  mudofaa vaziri ochib berar ekan, qisqa vaqt ichida federatsiya boshqaruvida amalga oshirilgan ishlar, yaqin istiqboldagi rejalar haqida to‘xtalib, sohada amalga oshirilishi lozim bo‘lgan aniq chora-tadbirlarni hamkorlikda amalga oshirish xususida to‘xtalib o‘tdi. 

So‘ngra kun tartibidan Federatsiyaga rais o‘rinbosarlarini saylash, ijroiya qo‘mitasi va nazorat-taftish komissiyasi tarkibini tasdiqlash, federatsiyaning hududiy bo‘limlariga yangi raislarni tayinlash kabi masalalar atroflicha ko‘rib chiqilib, nomzodlar ovoz berish orqali tasdiqlandi.

Ushbu konferensiya va unda ko‘tarilgan masalalar kelgusida nafaqat o‘q otish sportini, balki armiya sportini ham yanada rivojlantirishga hamda davlatimiz rahbari tomonidan belgilab berilgan topshiriqlarni sifatli bajarilishida muhim ahamiyat kasb etadi.   

Mudofaa vazirligi Axborot va ommaviy kommunikatsiyalar departamenti