O‘zbekiston Respublikasi Mudofaa vazirligi

Mashg'ulotlar davomida shaxsiy tarkibning jangovar sharoitlarga yaqin muhitda turli vaziyatlarga moslashishga o‘rgatish, ularning jismoniy chidamliligi, charchoq, stress va yuqori bosim ostida ham samarali ishlashga o‘rgatish, tezkorligi, jangovar vazifalarni baja olish qobiliyati, zamonaviy jang usullari bo‘yicha kichik taktik bo‘linmalarning harakat qilishdagi mustaqillik darajasini oshirishga e;tibor qaratildi. 

Olib borilayotgan amaliy mashg'ulotlarda bo‘linmalar o‘rtasidagi o‘zaro aloqa va hamkorlikni rivojlantirish borasida boshqaruv tizimlarini markazlashgan emas, balki modulli va moslashuvchan shaklda rivojlantirish, jang maydonida harakatlanishni hujum yoki mudofaa strategiyalarida amaliyotda sinash, harbiy texnikalar va qurollarni boshqarish bo‘yicha malakalari mustahkamlanmoqda.

Bir so‘z bilan aytganda, harbiy xizmatchilar tomonidan muntazam olib borilayotgan mashg‘ulotlar jangovar shaylikni oshirishning eng samarali usullaridan biri hisoblanadi. Bu harbiy xizmatchilarga nafaqat nazariy bilim, balki amaliy ko‘nikmalar ham beradi va real jangovar holatlarda muvaffaqiyat qozonish ehtimolini oshiradi.

Markaziy harbiy okrug matbuot xizmati