Harbiy qismda bir kun
2025-02-17 16:40:00 / Yangiliklar
Ta’kidlash joizki, tadbir ertamiz egalarini harbiy-vatanparvarlik ruhida tarbiyalash, Vatanga muhabbati va sadoqatini mustahkamlash, millatimiz tarixi, mustaqillik yo‘lida jon fido qilgan hamyurtlarimiz jasoratlarini targ‘ib qilish maqsadida tashkil etildi.
Loyiha ishtirokchilari dastlab milliy armiyamiz saflarida xizmat qilayotgan harbiy xizmatchilarga yaratilgan shart-sharoitlar va qo‘lga kiritilayotgan yutuqlari bilan tanishib, oliy harbiy ta’lim muassasalari haqida batafsil ma’lumotlarga ega bo‘lishdi.
Mehmonlar bugungi kunda milliy armiyamizda olib borilayotgan islohotlar bilan qiziqdi. Ayniqsa, harbiylar yotoqxonasi va mashg‘ulot joylariga sayohat o‘quvchilarda katta taassurot qoldirdi.
Shuningdek, kun davomida harbiy qism saf maydonida tashkil etilgan harbiy texnika va qurol-aslahalar ko‘rgazmasi mehmonlarga chin ma’noda ko‘tarinki kayfiyat ulashish bilan birga, yoshlarning harbiylik kasbiga bo‘lgan qiziqishini yanada oshirgan bo‘lsa ajabmas.
Markaziy harbiy okrug matbuot xizmati