O‘zbekiston Respublikasi Mudofaa vazirligi

Amaliy mashg‘ulotlar davomida shaxsiy tarkibning psixologik bardoshliligini oshirish, stressga chidamliligini mustahkamlash va jangovar vaziyatlarda tez va to‘g‘ri qaror qabul qilish ko‘nikmalarini rivojlantirishga e’tibor qaratildi.

Psixologik tayyorgarlik jarayonida jangovar faoliyatni takomillashtirish maqsadida har xil jang va urush vaziyatlari shartli ravishda yaratildi. Xususan, harbiy xizmatchilarning yakka va jamoaviy tartibda jismoniy hamda ruhiy chidamliligini oshirish, jangda yuzaga kelishi mumkin bo‘lgan turli xil qiyinchiliklarga ko‘niktirish maqsadida yuqori bosimli vaziyatni o‘zida mujassamlashtirgan mashg‘ulotlar o‘tkazildi.

Darhaqiqat, o‘tkazilgan tadbir yurt himoyachilarining yuqori darajadagi ma’naviy-axloqiy, ruhiy, siyosiy sifatlarini yanada yaxshilagani, qolaversa, hamjihatlik va hamfikrlikda ishlash ko‘nikmalarini shakllantirgani bilan ahamiyatli bo‘ldi.

Mashg‘ulotlar yakunida yo‘l qo‘yilgan kamchiliklar va erishilgan yutuqlar muhokama qilinib, harbiy xizmatchilarga mutaxassislar tominidan zarur tavsiyalar berildi. 

Mudofaa vazirligi Axborot va ommaviy kommunikatsiyalar departament