O‘zbekiston Respublikasi Mudofaa vazirligi

Tadbir avvalida institut qoshida tashkil etilgan “Infokommunikatsiya qurilmalarni ta’mirlash va konstruktorlik ishi ilmiy laboratoriyasi” hamda “Maxsus avariya-tiklash boshqarmasining o‘quv-ilmiy laboratoriyasi” foydalanishga topshirildi. 

Shundan so‘ng, “Kiberxavfsizlikning yangi paradigmalari global tahdidlar va mahalliy himoya strategiyalari” mavzusida ilmiy-nazariy konfrensiyasi bo‘lib o‘tdi.

Konfrensiyada mutaxassislarning “Kiberxavfsizlikning zamonaviy tahdidlari: axborot xavfsizligini ta’minlashda texnologik va strategik yechimlar”, “Axborot texnologiyalarining innovatsion rivojlanish strategiyalari va texnologik transformatsiya tendensiyalari”, “Ta’lim tizimida raqamli texnologiyalarni joriy etishning ilmiy-uslubiy asoslari va innovatsion yondashuvlar”, “Sun’iy intellekt va avtomatlashtirish tizimlarining rivojlanish istiqbollari: imkoniyatlari, xatarlar va yechimlari” kabi mavzulardagi ma’ruzalari tinglandi. 

Shuningdek, mazkur sohadagi dolzarb masalalar, tajriba almashish, zamonaviy yondashuvlar asosidagi ma’lumotlar muhokama etilib, harbiy bilim yurtining qisqa vaqt oralig‘idagi erishgan yutuqlari e’tirof etildi.  

Yakunda sana munosabati bilan institut nufuzini oshirishda shijoatini namoyon etgan, belgilangan vazifalarni sidqidildan bajarib safdoshlariga o‘rnak bo‘lib kelayotgan bir guruh harbiy xizmatchilar hamda Qurolli Kuchlar xizmatchilariga faxriy yorliq hamda esdalik sovg‘alari topshirildi. 

Mudofaa vazirligi Axborot va ommaviy kommunikatsiyalar departamenti