O‘zbekiston Respublikasi Mudofaa vazirligi

Qoraqalpogʻiston Respublikasi Mudofaa ishlari boshqarmasida oʻtkazilgan tadbirda Shimoli-gʻarbiy harbiy okrug qoʻshinlari qoʻmondoni, Qoraqalpogʻiston Respublikasi va Xorazm viloyatining rahbariyat kengashi, harbiy-tibbiy, hududiy tibbiy, hududiy, butlash komissiyalari aʼzolari, mudofaa ishlari boshqarma va boʻlimlari mutaxassislari ishtirok etdi. 

Mashgʻulotda 2025-yilda muddatli harbiy xizmatga chaqiruv tadbirlarini Mudofaa vazirligi “Avtomatlashtirilgan axborot tizimi va maʼlumotlar bazasi”ning “Chaqiruv” tizim osti dasturi orqali oʻz vaqtida sifatli tashkil etish va oʻtkazish masalalari yuzasidan tegishli koʻrsatmalar hamda tavsiyalar berildi.

Qarorda belgilangan vazifalarga koʻra, yigʻilish davomida tibbiy komissiyalar faoliyatini raqamli texnologiyalarni qoʻllagan holda oʻtkazish tartibi boʻyicha nazariy va amaliy koʻnikmalar oshirildi.

Mashgʻulot yakunida har bir yigʻin ishtirokchisining “Chaqiruv” tizim osti dasturidan foydalanish boʻyicha nazariy va amaliy bilimlari sinovdan oʻtkazildi.

Shimoli-gʻarbiy harbiy okrug matbuot xizmati