O‘zbekiston Respublikasi Mudofaa vazirligi

Tadbirda “Nuroniy” jamg‘armasi Respublika boshqaruvi raisi, Mudofaa vazirligi huzuridagi Jamoatchilik kengashi a’zolari, viloyat harbiy prokuraturasi vakillari, nuroniylar, Qurolli Kuchlar faxriylari va harbiy xizmatchilar ishtirok etdi.

Unda so‘z olgan O‘zbekiston Qahramoni, Senator, O‘zbekiston faxriylarining ijtimoiy faoliyatini qo‘llab-quvvatlash “Nuroniy” jamg‘armasi Respublika boshqaruvi raisining mamlakatimizda yoshlar uchun yaratilgan imkoniyatlar, yoshlarning ma’naviy-ruhiy kamoloti, jamiyatimizning bugungi va kelajak hayotida ularning tutgan o‘rni borasidagi qimmatli o‘git va maslahatlari ishtirokchilarda katta taassurot qoldirdi. Ochiq va samimiy ruhda oʻtgan uchrashuv davomida yoshlar ham faollik ko‘rsatib,  o‘zlarini qiziqtirgan savollari bilan nuroniylarga yuzlandi.

Tadbirning ikkinchi qismida Vatanni madh etuvchi kuy-qo‘shiqlar, faxriy qorovulning saf chiqishlari va qurol-aslaha ko‘rgazmalari namoyish etildi.