Samarqand va Navoiy garnizonlarida turli ma’naviy-marifiy tadbirlar o‘tkazildi
2025-01-21 14:45:00 / Yangiliklar
Unda okrug faxriylar kengashi, viloyat mudofaa ishlari boshqarmasi vakillari, Qurolli Kuchlar faxriylari, maktab o‘quvchilari va harbiy xizmatchilar ishtirok etdi.
Samarqandda harbiy hamda hayotiy tajribaga ega faxriylar tomonidan yoshlarga kasbni sevish, sadoqat va shijoat bilan xizmat qilish borasida misollar orqali oʻgitlar berildi va ajdodlarga munosib avlod bo‘lib ulg‘ayish har bir er yigitning burchi ekanligi alohida ta’kidlandi.
Navoiy garnizonidagi tadbir davomida yoshlarga taniqli ma’rifatparvar, jadidchilik harakatining yirik namoyandalaridan biri, milliy uyg‘onish davrining ramziga aylangan Abdurauf Fitratning o‘z davrida milliy o‘zligini shakllantirishga qo‘shgan hissasi to‘g‘risidagi ma’lumotlar berildi.
Muloqotlar chogʻida yoshlar ham oʻzlarini qiziqtirgan savollarga javob oldi. Tadbir yakunida mehmonlarga okrug qo‘mondonligining esdalik sovg‘alari topshirildi.
Markaziy harbiy okrug matbuot xizmati